Aurten ere Sagardotegiaren bueltan elkartzea pentsatu dugu, Mintzatxotx lehiaketa egingo dugu, baina online eta txotx egin gabe. Ez dugu elkar ukituko, baina elkar zirikatuko dugu eta sari ederrak irabazi ere bai!
Lehiaketa online bat ari gara prestatzen eta Mintzakide guztiak gonbidatuta zaudete berton parte hartzera:
- Martxoaren 23an izango da lehiaketa, 18:30ean hasita, sarean.
- Parte hartzeko aurrez izena eman behar da, hemen edo zure herriko dinamizatzailearen bidez.
- Lehiaketan “sagardotegia” gaiari buruzko galderak egingo dizkizuegu.
- Mugikorren bidez burutuko dugu lehiaketa, Kahoot izeneko tresnarekin. Lehiaketa irekitzen denean, bertan parte hartzeko klabea bidaliko dizuegu eta galdera guztiak mugikorraren bidez erantzungo dituzue.
- Iruñerrian lehiaketan parte hartzeko gunea prestatu dugu. Saioa Konpania kaleko udal erabilera anitzeko gelatik lehiatuko gara.
- Dena den, etxetik parte hartzeko aukera ere badago, bakarka zein taldeka: galderak erantzuteko mugikorra beharko duzue eta tableta, ordenagailua edo beste mugikor bat zuen lehiakideekin komunikatzeko.
- Etxetik zein lehiaketarako prestatutako guneetatik parte hartuta ere, gogoratu elkar zaindu behar dugula osasun neurriak betez.
Lagun artean euskaraz jolastuz ondo pasatu, elkar ikusi eta sari bikainak irabazteko aukera duzue martxoaren 23an. Parte hartu nahi baduzue, jo zuen herriko euskara elkartera eta eman izena!
Iruzkinak