Mintzakideko ikasturte berria hastear dagoen honetan urtero bezala Mintzakide Mendi Taldeak bere egutegia antolatu du. Irailaren 26an Txindokira hurbilduko gara, ikasturteko lehenengo gailurra burutzeko.
Gogoratu, txangoetan parte hartzeko aurretik izena eman behar dela!
Heldu den Abenduaren 1ean demode produzkioak-en “kutxidazu bidea ixabel” antzezlana Iruñeko Gayarre antzokian Ordua: 20:00Prezioa: 8€ Ikuskizuna euskaraz 2021ean Musika Ikuskizun Onenaren MAX saria lortu du “Kutsidazu bidea Ixabel” nobela arrakastatsuan oinarritutako...
Mintzakideko ikasturte berria hastear dagoen honetan urtero bezala Mintzakide Mendi Taldeak bere egutegia antolatu du. Irailaren 26an Txindokira hurbilduko gara, ikasturteko lehenengo gailurra burutzeko. Gogoratu, txangoetan parte hartzeko aurretik izena eman behar...
Ekainaren 5ean burutu zuten Mintzalagunek ikasturteari elkarrekin amaiera borobila emateko ekintza: MintzaPoza lehiaketa!
Gorbeialdea, Hondarribia, Lasarte-Oria, Getxo, Iruñea eta Aretxabaleta bildu zituen MintzaPoza lehiaketak. Lehiaketak bi atal izan zituen: lehendabizi, herri bakoitzean ginkana bat burutu zuten bertoko taldeen artean eta irabazleek indaba jana egiteko sorta bat eraman zuten. Lehiaketaren bigarren zatian, herriko irabazleek MintzaPoza lehiaketaren finala jokatu zuten online. Finalaren saria etxean gozatzeko txuleta eta sagardo sorta izan zen.
Aurten, ezin izan dugu nahi adina elkartu. Mintzakideok gure ohiko jarduera egokitu behar izan dugu momentuko osasun egoerara, talde txikiagoak, sarean, kalean, berriz ere sarera, tabernetara, egokitutako geletara,..... baina ez dugu amore eman eta astero astero modu...
Aurten, ezin izan dugu nahi adina elkartu. Mintzakideok gure ohiko jarduera egokitu behar izan dugu momentuko osasun egoerara, talde txikiagoak, sarean, kalean, berriz ere sarera, tabernetara, egokitutako geletara,..... baina ez dugu amore eman eta astero astero modu...
Event website AGENDATXOA HTTP://SCHEMAS.GOOGLE.COM/G/2005#EVENT MENDI MINTZAKIDE MINTZAKIDE MENDI TALDEA SAIO OSAGARRIAK mendi mendia Mintzakide Mendi Talde IDOKORRI. MINTZAKIDE MENDI TALDEA. IDOKORRI (1.073 M) ASPURZ HERRITIK. MAIATZAREN 30EAN. Leireko...
MENDIXURRA (1.045M). Jurramendi edo Mendixurra mendi ezaguna da, urrunetik ikus daiteke eta urrunera begiratu daiteke bertatik. Ebro harana, Errioxako mendiak, Moncayo, Pirinioak, inguruko Urbasa-Andia, Lokitz eta haien artean ageri den Beriain, Ioar… Hurrengo...
50 bat Mintzakide, Mintzalagun, Solaslagun, Berbalagun, Solaskidek parte hartu zuten lehiaketan, bakarka zein taldeetan elkarturik. Getxotarrek bi sariak irabazi eta haietako bat Berako Solaslagun egitasmokoei eman zieten. Mintzalagunen arteko konexio onaren seinale!...
Koronabirusaren ondorioz sortutako egungo egoera dela eta, Mintzakide egitasmoaren bulegoko ateak itxiak egon arren, egitasmoko langileak lanean etxetik jarraitzen dugu.
Asteroko mintzapraktika saioak, birtualak bilakatu dira ezinbestean, eta zuetariko askok jada, talde askok jada, saltoa eman duzue eta birtualean egiten dituzue saioak.
Etxealdiak irauten duen bitartean taldekideen arteko hitzorduak bideo deien bidez egingo ditugu. Teknologia berriak baliatuz mintzapraktika saioak sarean egingo ditugu. Taldeak antolatzeko eta sortu daitekzeen zalantzak argitzeko, jarri zaitezte harremanetan mintzakide@topagunea.eus helbidean edo orain arte erabili duzuen bideetatik eta ahal den lasterren erantzungo dizuegu, lagunduko dizuegu.
Bideo deiak, Jitsi izeneko tresna erabiltzeko proposatzen dizuegu. Hala ere, taldekideen artean nahiago duzuen baliabidea erabiltzeko aukera zabalik dago. Jitsi lehenesteko arrazoiak honakoa hauek dira:
Ez dago aplikazio bat instalatzeko beharrik. Lotura baten bidez funtzionatzen du.
Zuen taldearen hitzordura sartzeko beti lotura berbera erabiliko duzue.
Denbora mugarik ez.
Pasahitzik da ez behar.
%100 kode librea.
Oso segurua da: enkriptatua.
Doakoa da.
Oso erraza eta intuitiboa da. Zalantzarik izanez gero ondoko loturanEuskaltzaleen Topaguneak sortutako bideo tutoriala duzu.
Hala ere, aurreikusita genituen jarduera guztiakin jarraitzeko bideak jorratzen ari gara eta laster emango dizuegu jarduera hauen berri.
Koronabirusa dela eta Kutsatzeak ahalik eta gehien ekiditzeko helburuz, datozen bi asteetan, Mintzakide, Solaslagun, Mintzalagun, Berbalagun,…… taldeetako saioetan EZ ELKARTZEA GOMENDATZEN dugu. Norbanakoari arduraz jokatzea eskatzen zaion momentutik, Mintzapraktika egitasmoei ere egokiena asteroko saioetan ez parte hartzea iruditzen zaigu. Bestalde, aurreikusita genituen, taldekatze saioak, irteerak eta jarduerak atzeratzea erabaki dugu momentuz, ahal den heinean aurrerago egingo ditugu. Beraz, eskolekin egin den bezala, gutxienez bi asteetan eten egingo ditugu aipatutako jarduera guztiak. Ulertuko duzuelakoan, Zaindu!
Aurten bigarrenez, abenduaren 7an, mintzalagunak Durangon elkartuko gara egun pasa atsegin bat egin eta azoka bisitatzeko. Euskal Herriko txoko ezberdinetatik bertara joateko autobusak antolatu ditugu. Eta zu ba al zatoz? Anima zaitez,!
Iaz elkartu ginen lehenengoz Euskal Herriko hainbat herrietako Mintzagunok Durangon. Urtero Mintza Egunean elkartzen bagara ere, abenduko zitan gustura elkar ikusi genuen berriz, eta egun pasa ederra izan zen! Txarangarekin kalejiran, lagun berriak ezagutu eta ezagunekin berriketaldiak, pintxo eta poteak, bazkaria eta Azokara bisita, pozik bueltatu ginen etxera. Batzuk gainera lehenengoz bisitatu zuten Azoka iaz. Aurten ere iazko esperientzia hain ona izan zenez, bigarrenez antolatu dugu irteera eta egitarau polita dugu prest:
11:45ak aldera Durangora iritsiera
12:00-14:00 bi aukera:
Durango ezagutzeko Ginkana bisita taldeka Turismo bulegotik hasita (Kurutziaga kalea 38). Irabazleak saria izango du.
Poteoa
Bazkaria 14:30 – 16:30 (komentukale 23, behea) 10€
Autobusak ere antolatu ditugu, 12 eurotan, 4 zehazki, eta ondorengo herrietan egingo dute geldialdiak:
Elizondo-Doneztebe-Bera-Hondarribia-Donostia
Lizarra-Iruña
Plentzia-Sopela-Algorta-Derio
Oion-Laguardia-Bastida-Gasteiz-Legutio
Animatu eta zatoz gurekin Durangoko Azokara! Izen ematea abenduaren 2a arte hemen
TUtik GUra ongi etorri mintzalagunon mundura!
Durangoko Azokara txangoa
Informazioa gehiago: mintzakide@topagunea.eus
Arratsaldean azokara bisita
Itzulera 19:00
Zabaldu da Iruñerriko Mintzakide egitasmoan izena emateko epea, urriaren 28a arte.
Euskaraz gehiago hitz egitea nahi duzu? Zure inguruan euskara gehiago erabiltzea nahi duzu? Mila arrazoi daude jauzi egiteko. Eman izena!
Euskaraz gehiago hitz egitea nahi duzu?
Etxetik kalera bi jauzitan salto egiteko aukera eskaintzen dute mintzapraktika egitasmoek: etxeko bakardadetik taldeko girora lehendabizi eta, taldeko konplizitateaz, kaleko erabilerara gero.
Euskaraz lagunartean, modu eraginkorrean eta giro ezin hobean arituko zara zure herri edo eskualdean bertan!
Zure inguruan euskara gehiago erabiltzea nahi duzu?
Euskaraz hitz egiteko gaitasuna lantzen ari diren bidelariei lagunduz eragin dezakezu. Mintzalagunek herriz-herri egiten duten lanari esker, euskal hiztunak ugaritzen dira, harreman sare berriak sortu eta euskaraz aritzeko gune berriak irabazi.
TÚ-tik GU-ra bihurtu zaitez mintzakide. Eman izena!
Kaixo euskaltzale!!Mintzakide egitasmoak hamalau urte beteko ditu aurten gure hirian.
Urterik urte sarea handituz joan da eta dagoeneko 900 lagunek osatzen dute Iruñerriko Mintzakide.
Bidelagunaren helburua euskararen normalkuntzan eragitea da, euskaraz hitz egiteko ohitura duten lagunak hitz egiteko ohitura ez dutenekin (edo zailtasuna edo aukera ez dutenekin) elkartuz astean behin ordubetez. Programak hizketarako jarioa lantzea, euskaraz mintzatzeko motibazioa eta ohitura txertatzea eta harreman sare euskaldunak ehuntzea du helburu.
Ikasturte berri honetan euskaraz txukun egiten dutenengana
heltzea dugu helburu. Hau da, BIDELAGUN berriak gureganatzea. Bidelagunaren zeregina taldeko eredu izatea da (inolaz ere ez maisu edo irakaslea).
Hizkuntza menperatzen duen heinean taldeari bizitasuna eta freskotasuna eransten dio. BIDELAGUN izatera animatu nahi zaitugu, zure laguntzari esker, euskara gehiago erabiltzen eta entzuten lagundu dezakezulako!!!
Mintzakide Mendi taldearen aurreko txangoan, urriaren 28an, Mendi Taldeko lagunak Belate aldera abiatu ziren eguna pasatzera. Ohi bezala, goizeko 09:00etan Korralillosetik abiatu ziren. Hiru autotan banatu eta bideari hasiera eman zioten, bidaia asko mintzatzeko aukera ematen du!
Kotxea utzi eta mendira abiatu ziren…Eguraldi ona ibiltzeko topatu zutena! Lasai ibiltzen dira menditik, noski, elkarren artean hitz egin ahal izateko. Lehenik eta behin, Urdanbidegi muinora abiatu ziren eta ondoren, Azkenatz gailurrera, eta txangoari bukaera emateko Gazteluzarrean talde argazkia egin zuten. Jende asko egon arren argazkiak egiteko aukera polita izan zuten ere lagunok. Arnasa hartzeko denboralditxo bat hartu, zerbait jan eta bueltatzeko bideari ekin zioten berriro.
Txango gehiago antolatu dira, beraz, oraindik Mintzakide Taldearekin joateko aukera duzu. Interesa baduzu, aurretik izena eman behar duzu hurrengo loturaren bitartez: Mintzakide Mendi Taldea.
Urriaren 4ean, mintza-poteo batekin abiatuko du ikasturte berria Iruñerriko Mintzakide egitasmoak
Izen-emate epea urriaren 28a arte zabalik da eta iruñerriko euskaltzale guztiei egin nahi diegu proposamena: astean ordu betez beste pertsona batekin elkartu eta euskaraz aritzeko agendan tartetxo bat egitea. Izan ere, urteetako esperientziak erakutsi du askok egunerokotasunean euskaraz bizitzeko saltoa eman dutela, bidelagun izan dituzten mintzakideei esker.
Parte hartzeko prest? Eta horretarako hainbat berritasun landu ditugu, horien artean izenaemateko aplikazio berria, izen-emateak kudeatzeko plataforma berri baten bitartez parte hartzeko modu zabalagoa, non izena ematerakoan zuzenean taldea aukeratu daiteke. Parte hartzeko baldintza bakarrak dira euskaraz komunikatzeko gai izatea eta astean ordubetez elkartzeko konpromisoa hartzea.
Beraz, egitasmoaren helburua euskaraz egitea izango da baina lagun arteko giroan. Gauzak horrela, urriaren 4ean, 19:00etan Zaldiko Maldiko elkartean batuko dira, ikasturte berriaren aurkezpena egiteko eta hortik abiatuko dira tabernaz-taberna mintza-poteoan. Iruñerriko Mintzakide egitasmoa, kalera ateratzeko gonbitea luzatzen dizue elkar ezagutzeko asmoz. Orain arte leku itxietan zein talde txikietan batzen ziren eta kalera atera eta “mintza-poteoa” egitearen ideia garatu dute “euskara gehiago egingo” dutelakoan.
IRUÑERRIKO MINTZAKIDE EGITASMOA gauzatu ahal izateko, finantzaketa-iturri berriak eta enpresen eta partikularren mezenasgoa behar dira.
Urte askotan, kulturak, artistek eta sortzaileek filantropoen eta mezenasen borondate onari esker egin ahal izan dute beren lana, horiek bermatu baitute haien jardueraren jarraipena. Gaur egun, berriz heltzen zaio mezenasgoari, ezinbesteko modua baita kultura bultzatu, garatu eta sustatzeko. Zu ere mezenas bihur zaitezke, maiatzaren 16ko 8/2014 Foru Legeari esker, Nafarroako Foru Erkidegoan mezenasgo kulturala eta horren zerga-pizgarriak arautzen baititu.
Aurten, Iruñerriko Mintzakide proiektuak Nafarroako Gobernuarengandik gizarte-intereseko kalifikazioa lortu du, Nafarroako Kultura Kontseiluak emandakoa. Horrek zerga-onura handiak dakartza berekin, MECNA proiektua den heinean.
Zer da mezenasgo kulturala?
Partaidetza pribatua, dohaintzen, erabilera-maileguen edo lankidetza-hitzarmenen bidez, Nafarroako Gobernuak interes sozialeko gisa deklaraturiko proiektu edo jarduera kulturalak egiteko.
Zergatik izan Iruñerriko Mintzakide egitasmoaren mezenas?
Zure ekarpenarekin gure jarduerarekin jarraitzen lagunduko diguzuelako. Hala, hazten eta proposamen berri eta interesgarriak eskaintzen segitu ahal izango dugu, Mintzapraktika egitasmoa garatzen, Mintzakide-Gurasolagun-Parkealgun talde berriak martxan jartzeko, bai Saio Osagarri berriak antolatzeko, bisita gidatuak, antzerki saioak, guraso eta haurrendako saio ikusgarriak,…… eta gainera, aldi berean, zerga-pizgarri onuragarriak jasoko dituzu.
Zein onura dira horiek?
Norbanakoa baldin bazara, eskubidea izango duzu PFEZeko kuotan % 80ko kenkaria izateko zergaldi bakoitzean dohaintzan emandako lehenengo 150 euroetan, eta % 40koa gainerako ekarpenetan.
Eta horrek zer esan nahi du zehazki?
150 euro ematen badituzu, eskubidea izango duzu zure errenta-aitorpenean 120 euroko kenkaria izateko (150 euroren % 80). Hau da, errenta-aitorpenean 120 euro itzuliko dizkizute aurretik emandako 150 euroetatik.Hala, Iruñerriko Mintzakidek 150 euro eskuratuko ditu, baina egindako ekarpena 30 eurokoa izango da, besterik ez.
Eta nire enpresaren bidez lagundu nahi badut?
Zure ekarpen osoa kengarritzat joko da sozietateen gaineko zergan, eta, horrez gain, lehenengo 300 euroek eskubidea emango dute % 30eko kenkaria izateko Kuota Likidoan.
Zer jasoko dut dohaintza horien truke?
Legearen arabera, erakunde onuradunek ezin diote inolako kontraprestaziorik eskaini mezenasei, mezenas direla argitaratzetik harago. Dohaintzak garbiak eta sinpleak izan behar dira eta, ondorioz, ez dira kontuan hartzen etekin edo kontraprestazioren bat lortzeko helburuarekin egiten diren ekarpen ekonomikoak.
Zuk mezenas izateko interesa baino ez diguzu jakinarazi behar, baita egin nahi duzun ekarpenaren zenbatekoa ere, dela telefonoz, dela posta elektronikoz: mintzakide@topagunea.eus
Gu arduratuko gara beharrezko agiri guztiak betetzeaz.
Uda bukatu da eta honekin batera, Mintzakide egitasmoa bueltan datorkigu! Urriaren 22ra arte izena emateko epea zabalik egongo da.
HARTU, EMAN, ERAGIN. AURKEZPEN BIDEOA
Mintzakiden parte hartzeko arrazoiak asko dira: jende berria ezagutu, ahaztutako hizkuntza freskatu eta praktikatu, beste batzuei hori guztia lortzen lagundu… Azken finean baina, helburu nagusia euskaraz aritzeko ohiturarik ez dutenak ohitura dutenekin elkartzea da, euskaraz gozatu eta gozatuarazi lagun giro euskalduna sortuz.
Ohi bezala, mintzapraktika egitasmo honetan, edozeinek har dezake parte, berdin dio euskaldun berri, euskaldun zahar, euskaltegiko ikasle ohia edo euskaltegiko ikaslea izan. Astean tartetxo bat baduzu, batu zaitez Mintzakide mundura!
Izena emateko eskuorriak ohiko tokietan topatuko dituzue:
ANTSOAIN: Udaleko Euskara Zerbitzua ARANGUREN: Ibarreko Euskara Zerbitzua
ATARRABIA: Karrikaluze Elkartea. EGUESIBAR: Sarrigurengo Udala
BERRIOBEITI: Udaleko Euskara Zerbitzua BERRIOZAR: Udaleko Euskara Zerbitzua
IRUÑEA: Karrikiri Elkartea, Arturo Campion, Iruñezar eta Irrintzi Euskaltegiak eta Iruñeko Hizkuntza Eskola Ofiziala Hala ere, dagoeneko online bete daiteke matrikula!
Heldu den Abenduaren 1ean demode produzkioak-en “kutxidazu bidea ixabel” antzezlana Iruñeko Gayarre antzokian
Ordua: 20:00 Prezioa: 8€
Ikuskizuna euskaraz
2021ean Musika Ikuskizun Onenaren MAX saria lortu du “Kutsidazu bidea Ixabel” nobela arrakastatsuan oinarritutako musikal honek.
90 minutuko komedia musikal honetan, Juan Martín gazte donostiarra mendi puntan galdutako baserri batera joango da uda igarotzera, bere euskara maila hobetzea helburu hartuta. Han dagoela, abestien artean egiaztatuko du baserrian bizi direnek darabilten euskarak ez duela zerikusirik gelan ikasi duenarekin. Baserriko familia aitak, alaba gazteak eta amonak osatzen dute. Ikuskizunean ikusiko dugun bezala, Juan Martínek bi auziri egin beharko die aurre: batetik, hizkuntza-arazoak ditu, eta, bestetik, landa-inguruneaz ezer gutxi daki. Horrez gain, Ixabel familiako alaba erakargarriak ordura arte ezezagunak zituen sentimenduak piztuko dizkio, eta inguruak ere zur eta lur utziko du musikaren bidez komunikatuko baita harekin: zuhaitzak rap doinuan, sagarrak “a kupela” abesten eta behiak dantzan.
Jatorrizko egilea Joxean Sagastizabal / Dramaturgia Aitziber Garmendia eta Patxi Barco/ Zuzendari musikala Joli Pascualena / Interpreteak Xanti Korkostegi, Maria Redondo, Ainhoa Aierbe, Inaxio Tolosa, Karlos Nguema, Iker Huitzi, Joli Pascualena eta Santi Romano / Musika originala Iker Huitzi, Joli Pascualena eta Santi Romano Jatorrizko letra Aiora Zulaika, Joli Pascualena eta Patxi Barco / Koreografiak Karlos Nguema / Eszenografia-diseinua Asier Izagirre / Eszenografiaren ilustrazioak eta diseinu grafikoa Aitziber Alonso / Soinuaren diseinua Iker Huitzi / Soinu-teknikaria Josean Olaberri / Argiztapenaren diseinua Xabier Lozano / Argiztapen-teknikaria Livory Barbez / Jantzien diseinua Ana Turrillas / Jantzi bereziak Josemi Errodonsoro
•Bazkaria Bazkaria Abadiñoko muntsartz auzoko Milikuena jatetxean izango da (16 euro).
– 50 pertsonentzako lekua dago jantokian
– Menua: lehengo eta bigarren platera, postrea eta edaria
Egunpasarako egitaraua
12:15ak aldera Durangora iritsiera 12:30-13:30 MintzaPoza ginkana herrian zehar taldeka, Hasiera Uribarriko Andra Mari basilikaren arkupetan hasita. 13:30-14:30 Azoka bisitatzeko tarte librea Edukiera neurtuko dute, ondorioz ezingo gara elkarrekin taldean sartu. 14:30– Autobusetara gerturatzeko elkartzea. 15:00-17:00– Bazkaria Abadiñoko Muntsaratz auzoko Milikuena jatetxean Menua: lehengo eta bigarren platera, ogia, Errioxako ardo ondua, etxeko postrea eta kafea 17:30 – 19:00 Azoka bisitatzeko tartea edo Mintzapoteoa 19:00 Itzulera
Heldu den Azaroaren 17an Tanttaka Taldearen “Ameriketako bidaia” antzezlana Iruñeko Gayarre antzokian
Ordua: 20:00 Prezioa: 8€ ( eta -20%eko deskontua)
Bi nerabe euskaldun, Jone eta Maria, Estatu Batuetara etorri dira ikasturte osorako. Oso desberdinak dira, eta ez dira konpontzen. Jonek “amerikarren bizimodua”-ri buruzko iritzi ona dauka. Mariak yankiekiko aurreritzi asko ditu. Aireportuan daudelarik, Jone-ri bere ekipaia eta dokumentazioa lapurtuko diote. Poliziak latino inmigrante ilegaltzat jo eta atxilotuko dute.
Hizkuntza arazoak eta aurreritzi razialak direla eta, egoera kafkiano bat jasango du. Astebete dramatiko bat pasa ostean, Mexikoko mugara deportatua izan baino lehenago askatuko dute. Jonek hainbeste miresten zuen Amerika horren alde iluna ezagutuko du. Maria, aldiz, adiskidetuko da orain arte gutxiesten zuen gizarte horrekin, jende solidarioa ezagutuko baitu.
Jonek eta Mariak kurtso osoa pasako dute Estatu Batuetan. Gaur da etxera bueltatzeko eguna. Hasierako aireportu berean elkartu dira. Orain urte bete elkarri destainaz begiratzen zieten arren, orain badakite betirako adiskideak izango direla.
Aurreko hainbat alditan egin izan dugun bezala, Mintzakideentzat sarrerak %20ko beherapenarekin lortu ahal izanen ditugu eta, horretaz gain, erreserbatzen dituzuenon artean 4 sarrera zozketatuko ditugu.
AEK, IKA, Iruñeko Hizkuntza Eskola, Zubiarte euskaltegi Publikoa eta Iruñerriko Mintzakide egitasmoa elkartu gara Iruñerriko lehen MINTZODROMOA abian jartzeko.
Bertan, euskaraz poliki, ongi eta oso ongi ari diren Iruñerriko euskaldunak elkartu nahi ditugu, elkarrekin harremana egin eta iritziak trukatzeko hainbat gairen inguruan.
Pandemiak bakarturik eta etxeraturik eduki gaituen garaia atzean geratu dela dirudien honetan, euskararen zurrumurru gozoan elkarrekin egoteko eta aritzeko gogo biziz elkartuko garela uste dugu.
MINTZODROMOA hainbat gairen inguruan gure iritziak trukatzeko gunea da. Horretarako antolatzaileok hiru gai proposatuko dizkizuegu eta horien inguruan aritzeko gidoitxoa ere bai. Lau-bost laguneko taldeak eginen ditugu eta 10-15 minutuz gai baten inguruan aritu ondoren, tokia eta gaia aldatuko ditugu eta beste talde batean arituko gara beste gai baten inguruan beste 10-15 minutu tar-tarrean. TAR-TAR GOXOAN. Hori egindakoan, berriz ere gaia eta mintzakideak aldatu eta gauza bera eginen dugu.
Ekitaldia hasteko animatazaileren baten sarreratxoa izanen dugu eta amaitzeko, elkartutako guztiok, denok batera, abesti ezagun bat kantatuko dugu.
Ekitaldia Iruñeko Autobus Geltoki zaharreko nasetan eginen dugu, urriaren 28an arratsaldeko sei eta erdietan. Izena emateko, kartelean ageri den QR-an edo hemen klikatuzegiten ahal izanen duzue, urriaren 13a eta 22a bitartean. Eman lehenbailehen izena tokirik gabe gera ez zaitezten eta gustura arituko gara tar-tarrean goxo – goxo. Harremanetarako irunerrikomintzodromoa@gmail.com.
Urriaren 23an, egun pasa Iruñean. Bisita gidatua, bazkaria, MintzaPoza tonbola eta Pikabea Solaslagunaren margolanen erakusketara bisita, Itziar Azpiroz Mintzakidearen abestiekin.
Urriaren 23an Iruñean elkartuko gara ikasturte honetako lehendabiziko ekintza osagarrian Hendaia, Hondarribia, Bortziriak, Malerreka, Baztan eta Iruñeako mintzalagunak.
Egitarau ederra dugu aitzinetik: Iruñeara eguerdirako ailegatuko gara eta bisita gidatu bat izanen dugu (Euskararen isuria, karrikaz karrika, txokoz txoko). Ondotik Zaldiko Maldiko kultur elkartean bazkalduko dugu. Bazkal ondoren ikasturte honetako leloa baliatuz Mintzapoza tonbola izanen dugu. Arratsaldea borobiltzeko, Kondestablen Pikabea eta Lesagibel artisten erakusketa ikusiko dugu eta 18:30-19:00 aldera etxera bueltatuko gara.
Iruñeko lagunentzat ere Itziar Azpiroz abeslariak kanta batzuk ere eskainiko ditu 19:30ak aldera Kondestable jauregian. Animatu zaitezte. Mintzapoza Praktikatu!
Mintzakide, Berbalagun, Solaslagun, Mintzalagun eta Solaskideek MintzaPoza elkarrekin praktikatzeko deia egin diete beraien bizilagunei.
Pasa den irailaren 22an abiatu genuen aurtengo kanpaina Euskal Herriko hainbat txokotan eta MintzaPoza tonbolaren bidez ezagutarazi dute Mintzapraktika egitasmoa zenbait herritan.
Irailaren 19an abiatu zen tonbola Oionen, bertako Andoni Mintzalagunak irabazi zuen eguneko saririk handiena: landetxe batean bi pertsonarentzat egonaldia. Ostean, berriz, Bergara, Zaldibar eta Tolosan izan da eta datozen asteetan beste hainbat herri bisitatuko ditu MintzaPoza praktikatzeko deia zabalduz.
Irailarekin batera, Mintzapraktikan ikasturte berria ere badator! Aurtengoa bereziki bizi, garrantzitsu, gogotsu dator. Azken bi urteetan ezinezkoa izan baita gure jarduna bere horretan, hala ere, 6800 lagun astero astero bildu izan gara.
Baina, noski, betikora itzultzeko gogoz gara: taldekideekin berriz elkartzeko eta MintzaPoza elkarrekin praktikatzeko. Horixe baita, finean, gure egitasmoen oinarria: MintzaPoza.
Mintzakide gehienak kafea hartzeko edo paseo bat emateko elkartzen dira. Baina, herriaren arabera, bestelako aukerak ere badira: mendi taldeak, Guraso eta familentzat taldeak, Eskalada eta crossfit taldeak Hikalagun eta euskalkilagunek esaterako.
Mintzapraktika aukera paregabea da euskaraz gehiago aritu nahi dugunontzat. Mintzakide egitasmoak ez baitira soilik euskara ikasten dabiltzanentzat!
MintzaPoza
MintzaPoza sortzen digu astero elkartzeak,euskaraz lasai eta eroso aritzeko aukera izateak,akatsak egiteko beldur gabeedo euskara praktikatu nahi dugunokin astero elkartzeko prest dagoenBidelagun bat izateak.
Bidelagunoi,berriz, euskara praktikatu nahi dutenekin astero elkartzen garen boluntariooi,gure ordu bete batek sortzen duen giroak ematen digu MintzaPoza,dakiguna partekatzeak, euskararen alde gure alea jartzen dugula sentitzeak.
Hainbat motibo
Bidelagun izatea aukera asegarria da. Probatu duten guztiek diote ematen dutena baino gehiago jasotzen dutela. Eta, egiazki, Bidelagunak ezinbestekoak dira egitasmo honetan, beraien ekarpenari esker euskaraz aritzeko aukerak sortzen dituztelako.
Carlos Goñi Bidelagun aritzen da, euskaraz aritu nahi dutenei laguntzen, mendi-talde batean. “Pentsa! Honetan hasi nintzen euskaraz praktikatzeko eta orain ni naiz laguntzen dudana!
Edurne Gonzalez“ongi pasatuz euskara praktikatzea da ezagutzen dudan konbinaziorik onena!” Mintzapraktikakoak familia bat bezala direla dio eta “babes horrek sekulako Mintzapoza ematen dit!” .
Bistan da denok dugula arrazoiren bat aurten MintzaPoza praktikatzeko. Zein da zurea?
Hainbat modu
MintzaPoza denok praktikatu dezakegu, helduek, gazteek, berritsuek, lotsatiek, kirola egitea gustoko ez dutenek, antzerkizaleek, gurasoak… gaitasuna izanez gero. Hainbat aukera eta modu daude Mintzalagun egitasmoetan parte hartzekoezagutu itzazuhemen!
Mintzapraktikan hasi nahi izanez gero eta MintzaPoza probatu,zure hurbileko euskara elkartera jotzea duzu aukerarik onena.
Aurten bai! MintzaPoza praktikatzeko aukera eskura duzu. Hasi zaitez Mintzapraktikan, ematen duzuna baino askoz gehiago jasoko duzu! Aurten MintzaPoza praktikatu!
Koronabirusa dela eta Kutsatzeak ahalik eta gehien ekiditzeko helburuz, datozen bi asteetan, Mintzakide, Solaslagun, Mintzalagun, Berbalagun,…… taldeetako saioetan EZ ELKARTZEA GOMENDATZEN dugu. Norbanakoari arduraz jokatzea eskatzen zaion momentutik, Mintzapraktika egitasmoei ere egokiena asteroko saioetan ez parte hartzea iruditzen zaigu. Bestalde, aurreikusita genituen, taldekatze saioak, irteerak eta jarduerak atzeratzea erabaki dugu momentuz, ahal den heinean aurrerago egingo ditugu. Beraz, eskolekin egin den bezala, gutxienez bi asteetan eten egingo ditugu aipatutako jarduera guztiak. Ulertuko duzuelakoan, Zaindu!
Iruzkinak