Mintzakide Egitasmoa, Konfinamenduan ere lanean….

Mintzakide Egitasmoa, Konfinamenduan ere lanean….

Koronabirusaren ondorioz sortutako egungo egoera dela eta, Mintzakide egitasmoaren bulegoko ateak itxiak egon arren, egitasmoko langileak lanean etxetik jarraitzen dugu.  

Asteroko mintzapraktika saioak, birtualak bilakatu dira ezinbestean, eta zuetariko askok jada, talde askok jada, saltoa eman duzue eta birtualean egiten dituzue saioak.

Etxealdiak irauten duen bitartean taldekideen arteko hitzorduak bideo deien bidez egingo ditugu. Teknologia berriak baliatuz mintzapraktika saioak sarean egingo ditugu. Taldeak antolatzeko eta sortu daitekzeen zalantzak argitzeko, jarri zaitezte harremanetan mintzakide@topagunea.eus  helbidean edo orain arte erabili duzuen bideetatik eta ahal den lasterren erantzungo dizuegu, lagunduko dizuegu.

Bideo deiak, Jitsi izeneko tresna erabiltzeko proposatzen dizuegu. Hala ere, taldekideen artean nahiago duzuen baliabidea erabiltzeko aukera zabalik dago. Jitsi lehenesteko arrazoiak honakoa hauek dira:

  •  Ez dago aplikazio bat instalatzeko beharrik. Lotura baten bidez funtzionatzen du.
  •  Zuen taldearen hitzordura sartzeko beti lotura berbera erabiliko duzue.
  •  Denbora mugarik ez.
  •  Pasahitzik da ez behar.
  •   %100 kode librea.
  •  Oso segurua da: enkriptatua.
  •  Doakoa da.

Oso erraza eta intuitiboa da. Zalantzarik izanez gero ondoko loturan Euskaltzaleen Topaguneak sortutako bideo tutoriala duzu.

Hala ere, aurreikusita genituen jarduera guztiakin jarraitzeko bideak jorratzen ari gara eta laster emango dizuegu jarduera hauen berri.

Benetan espero dugu guztiok primeran egotea.

Besarkada potolo bat.

Koronabirusa. prebenitzeko gomedioak

Koronabirusa. prebenitzeko gomedioak

Koronabirusa dela eta Kutsatzeak ahalik eta gehien ekiditzeko helburuz, datozen bi asteetan, Mintzakide, Solaslagun, Mintzalagun, Berbalagun,…… taldeetako saioetan EZ ELKARTZEA GOMENDATZEN dugu. Norbanakoari arduraz jokatzea eskatzen zaion momentutik, Mintzapraktika egitasmoei ere egokiena asteroko saioetan ez parte hartzea iruditzen zaigu. Bestalde, aurreikusita genituen, taldekatze saioak, irteerak eta jarduerak atzeratzea erabaki dugu momentuz, ahal den heinean aurrerago egingo ditugu. Beraz, eskolekin egin den bezala, gutxienez bi asteetan eten egingo ditugu aipatutako jarduera guztiak. Ulertuko duzuelakoan, Zaindu!

Abenduaren 7an Mintzakideok egun pasa Durangon-Izena eman!

Abenduaren 7an Mintzakideok egun pasa Durangon-Izena eman!

Aurten bigarrenez, abenduaren 7an, mintzalagunak Durangon elkartuko gara egun pasa atsegin bat egin eta azoka bisitatzeko. Euskal Herriko txoko ezberdinetatik bertara joateko autobusak antolatu ditugu. Eta zu ba al zatoz? Anima zaitez,!

Iaz elkartu ginen lehenengoz Euskal Herriko hainbat herrietako Mintzagunok Durangon. Urtero Mintza Egunean elkartzen bagara ere, abenduko zitan gustura elkar ikusi genuen berriz, eta egun pasa ederra izan zen! Txarangarekin kalejiran, lagun berriak ezagutu eta ezagunekin berriketaldiak, pintxo eta poteak, bazkaria eta Azokara bisita, pozik bueltatu ginen etxera. Batzuk gainera lehenengoz bisitatu zuten Azoka iaz. Aurten ere iazko esperientzia hain ona izan zenez, bigarrenez antolatu dugu irteera eta egitarau polita dugu prest:

11:45ak aldera Durangora iritsiera
12:00-14:00 bi aukera:

Durango ezagutzeko Ginkana bisita taldeka Turismo bulegotik hasita (Kurutziaga kalea 38). Irabazleak saria izango du.
Poteoa
Bazkaria 14:30 – 16:30 (komentukale 23, behea) 10€

Autobusak ere antolatu ditugu, 12 eurotan, 4 zehazki, eta ondorengo herrietan egingo dute geldialdiak:

Elizondo-Doneztebe-Bera-Hondarribia-Donostia
Lizarra-Iruña
Plentzia-Sopela-Algorta-Derio
Oion-Laguardia-Bastida-Gasteiz-Legutio
Animatu eta zatoz gurekin Durangoko Azokara!
Izen ematea abenduaren 2a arte hemen

TUtik GUra ongi etorri mintzalagunon mundura!

Durangoko Azokara txangoa

Informazioa gehiago: mintzakide@topagunea.eus
Arratsaldean azokara bisita
Itzulera 19:00

Mintzakide Mendi taldearen denboraldi berria martxan!

Mintzakide Mendi taldearen denboraldi berria martxan!

Mintzakideko ikasturte berria hastear dagoen honetan urtero bezala Mintzakide Mendi Taldeak bere egutegia antolatu du.

Ikasturte honetako egutegia, urtero bezala oso interesgarria da.

Urriaren 27an, igandearekin izanen da lehenbiziko txangoa, SAIOARA.

Hauek dira 2019-2020  “ikasturterako” MINTZAKIDE MENDI TALDEAk prestaturiko egutegiaren . Zuen gustokoa izango dela espero dugu! Animatu zaitezte!

9:00
Goazen Mendira! Apirilak 25,Mendixurra, Iratxeko Monasteriotik abiatuta. MENDIXURRA (1.045M). Jurramendi edo Mendixurra mendi ezaguna da, urrunetik ikus daiteke eta urrunera begiratu daiteke bertatik. Ebro harana, Errioxako mendiak, Moncayo, Pirinioak, inguruko Urbasa-Andia, Lokitz eta haien artean[...]
MENDIXURRA

 

 

TÚ-tik GU-ra ONGIETORRI MINTZALAGUNON MUNDURA!  Izen-emate epea zabalik urriaren 28a arte!!!

TÚ-tik GU-ra ONGIETORRI MINTZALAGUNON MUNDURA! Izen-emate epea zabalik urriaren 28a arte!!!

Zabaldu da Iruñerriko Mintzakide egitasmoan izena emateko epea, urriaren 28a arte.

Euskaraz gehiago hitz egitea nahi duzu? Zure inguruan euskara gehiago erabiltzea nahi duzu?  Mila arrazoi daude jauzi egiteko. Eman izena! 

Euskaraz gehiago hitz egitea nahi duzu?

Etxetik kalera bi jauzitan salto egiteko aukera eskaintzen dute mintzapraktika egitasmoek: etxeko bakardadetik taldeko girora lehendabizi eta, taldeko konplizitateaz, kaleko erabilerara gero.

Euskaraz lagunartean, modu eraginkorrean eta giro ezin hobean arituko zara zure herri edo eskualdean bertan!

Zure inguruan euskara gehiago erabiltzea nahi duzu?  

Euskaraz hitz egiteko gaitasuna lantzen ari diren bidelariei lagunduz eragin dezakezu.  Mintzalagunek herriz-herri egiten duten lanari esker, euskal hiztunak ugaritzen dira, harreman sare berriak sortu eta euskaraz aritzeko gune berriak irabazi.

TÚ-tik GU-ra bihurtu zaitez mintzakide. Eman izena! 

 

Bidelagunak behar ditugu; Izan Bidelagun!

Bidelagunak behar ditugu; Izan Bidelagun!

Izan Bidelagun!

 
 

 Kaixo euskaltzale!!Mintzakide egitasmoak hamalau urte beteko ditu aurten gure hirian.

Urterik urte sarea handituz joan da eta dagoeneko 900 lagunek osatzen dute
Iruñerriko  Mintzakide.

Bidelagunaren  helburua euskararen normalkuntzan eragitea da,
euskaraz hitz egiteko ohitura  duten lagunak hitz egiteko ohitura
ez dutenekin (edo zailtasuna edo aukera ez dutenekin) elkartuz astean behin ordubetez.
Programak hizketarako jarioa lantzea, euskaraz mintzatzeko
motibazioa eta ohitura txertatzea eta harreman sare euskaldunak
ehuntzea du helburu.

Ikasturte berri honetan euskaraz txukun egiten dutenengana

heltzea dugu helburu.   Hau da, BIDELAGUN berriak gureganatzea.
Bidelagunaren zeregina taldeko eredu izatea da
(inolaz ere ez maisu edo irakaslea).
 Hizkuntza menperatzen duen heinean taldeari bizitasuna
eta freskotasuna eransten dio.  BIDELAGUN  izatera animatu nahi zaitugu,
zure laguntzari esker, euskara gehiago erabiltzen  eta entzuten
lagundu dezakezulako!!!
 
harremanetarako eposta: mintzakide@topagunea.eus
 
 
Bidelagun, “EGIN JAUZI!”
 
 

Urriaren 28an Mintzakide Mendi Taldea Loiketan, Belatetik barna ibili zen!

Mintzakide Mendi taldearen aurreko txangoan, urriaren 28an, Mendi Taldeko lagunak Belate aldera abiatu ziren eguna pasatzera. Ohi bezala, goizeko 09:00etan Korralillosetik abiatu ziren. Hiru autotan banatu eta bideari hasiera eman zioten,  bidaia asko mintzatzeko aukera ematen du!

Kotxea utzi eta mendira abiatu ziren…Eguraldi ona ibiltzeko topatu zutena! Lasai ibiltzen dira menditik, noski, elkarren artean hitz egin ahal izateko. Lehenik eta behin, Urdanbidegi muinora abiatu ziren eta ondoren, Azkenatz gailurrera, eta txangoari bukaera emateko Gazteluzarrean talde argazkia egin zuten. Jende asko egon arren argazkiak egiteko aukera polita izan zuten ere lagunok. Arnasa hartzeko denboralditxo bat hartu, zerbait jan eta bueltatzeko bideari ekin zioten berriro.

Igande honetan mendira! Aitzandia 1.083m (Altzania).

Txango gehiago antolatu dira, beraz, oraindik Mintzakide Taldearekin joateko aukera duzu. Interesa baduzu, aurretik izena eman behar duzu hurrengo loturaren bitartez: Mintzakide Mendi Taldea.

MINTZA-POTEOA, esan kaixo ikasturte berriari!

MINTZA-POTEOA, esan kaixo ikasturte berriari!

Urriaren 4ean, mintza-poteo batekin abiatuko du ikasturte berria Iruñerriko Mintzakide egitasmoak

Izen-emate epea urriaren 28a arte zabalik da eta  iruñerriko euskaltzale guztiei egin nahi diegu proposamena: astean ordu betez beste pertsona batekin elkartu eta euskaraz aritzeko agendan tartetxo bat egitea. Izan ere, urteetako esperientziak erakutsi du askok egunerokotasunean euskaraz bizitzeko saltoa eman dutela, bidelagun izan dituzten mintzakideei esker.

Parte hartzeko prest?
Eta horretarako hainbat berritasun landu ditugu, horien artean izena emateko aplikazio berria,  izen-emateak kudeatzeko plataforma berri baten bitartez parte hartzeko modu zabalagoa,  non izena ematerakoan zuzenean taldea aukeratu daiteke. 
Parte hartzeko baldintza bakarrak dira euskaraz komunikatzeko gai izatea eta astean ordubetez elkartzeko konpromisoa hartzea.

Beraz, egitasmoaren helburua euskaraz egitea izango da baina lagun arteko giroan. Gauzak horrela, urriaren 4ean, 19:00etan Zaldiko Maldiko elkartean batuko dira, ikasturte berriaren aurkezpena egiteko eta hortik abiatuko dira tabernaz-taberna mintza-poteoan. 
Iruñerriko Mintzakide egitasmoa, kalera ateratzeko gonbitea luzatzen dizue elkar ezagutzeko asmoz. Orain arte leku itxietan zein talde txikietan batzen ziren eta kalera atera eta “mintza-poteoa” egitearen ideia garatu dute “euskara gehiago egingo” dutelakoan.

Zuek ere proiektu honen parte izan zaitezten nahi dugu! Izan zaitez Mintzakide egitasmoaren mezenas!

Zuek ere proiektu honen parte izan zaitezten nahi dugu! Izan zaitez Mintzakide egitasmoaren mezenas!

IRUÑERRIKO MINTZAKIDE EGITASMOA gauzatu ahal izateko, finantzaketa-iturri berriak eta enpresen eta partikularren mezenasgoa behar dira.

Urte askotan, kulturak, artistek eta sortzaileek filantropoen eta mezenasen borondate onari esker egin ahal izan dute beren lana, horiek bermatu baitute haien jardueraren jarraipena. Gaur egun, berriz heltzen zaio mezenasgoari, ezinbesteko modua baita kultura bultzatu, garatu eta sustatzeko. Zu ere mezenas bihur zaitezke, maiatzaren 16ko 8/2014 Foru Legeari esker, Nafarroako Foru Erkidegoan mezenasgo kulturala eta horren zerga-pizgarriak arautzen baititu.

Aurten, Iruñerriko Mintzakide proiektuak Nafarroako Gobernuarengandik gizarte-intereseko kalifikazioa lortu du, Nafarroako Kultura Kontseiluak emandakoa. Horrek zerga-onura handiak dakartza berekin, MECNA proiektua den heinean. 

 

Zer da mezenasgo kulturala?

Partaidetza pribatua, dohaintzen, erabilera-maileguen edo lankidetza-hitzarmenen bidez, Nafarroako Gobernuak interes sozialeko gisa deklaraturiko proiektu edo jarduera kulturalak egiteko.

Zergatik izan Iruñerriko Mintzakide egitasmoaren mezenas?

Zure ekarpenarekin gure jarduerarekin jarraitzen lagunduko diguzuelako. Hala, hazten eta proposamen berri eta interesgarriak eskaintzen segitu ahal izango dugu, Mintzapraktika egitasmoa garatzen, Mintzakide-Gurasolagun-Parkealgun talde berriak martxan jartzeko, bai Saio Osagarri berriak antolatzeko, bisita gidatuak, antzerki saioak, guraso eta haurrendako saio ikusgarriak,…… eta gainera, aldi berean, zerga-pizgarri onuragarriak jasoko dituzu.

Zein onura dira horiek?

Norbanakoa baldin bazara, eskubidea izango duzu PFEZeko kuotan % 80ko kenkaria izateko zergaldi bakoitzean dohaintzan emandako lehenengo 150 euroetan, eta % 40koa gainerako ekarpenetan.

 

Eta horrek zer esan nahi du zehazki?

150 euro ematen badituzu, eskubidea izango duzu zure errenta-aitorpenean 120 euroko kenkaria izateko (150 euroren % 80). Hau da, errenta-aitorpenean 120 euro itzuliko dizkizute aurretik emandako 150 euroetatik. Hala, Iruñerriko Mintzakidek 150 euro eskuratuko ditu, baina egindako ekarpena 30 eurokoa izango da, besterik ez.

Eta nire enpresaren bidez lagundu nahi badut?

Zure ekarpen osoa kengarritzat joko da sozietateen gaineko zergan, eta, horrez gain, lehenengo 300 euroek eskubidea emango dute % 30eko kenkaria izateko Kuota Likidoan.

 

 Zer jasoko dut dohaintza horien truke?

Legearen arabera, erakunde onuradunek ezin diote inolako kontraprestaziorik eskaini mezenasei, mezenas direla argitaratzetik harago. Dohaintzak garbiak eta sinpleak izan behar dira eta, ondorioz, ez dira kontuan hartzen etekin edo kontraprestazioren bat lortzeko helburuarekin egiten diren ekarpen ekonomikoak.

Ez kezkatu. Oso erraza da.

Bete hurrengo inprimakia: https://labur.eus/Rl7o0

Zuk mezenas izateko interesa baino ez diguzu jakinarazi behar, baita egin nahi duzun ekarpenaren zenbatekoa ere, dela telefonoz, dela posta elektronikoz: mintzakide@topagunea.eus   

IZEN-EMATE FITXAGu arduratuko gara beharrezko agiri guztiak betetzeaz.

 

Esker mila!

 

 

 

 

Lortu ezazu Mintzakide txartela eta ateraiozu disdira!

 

*  DOAN aterako zaizu

 

 

 

 

“Hartu, Eman, Eragin”, Mintzakide egitasmoaren kanpaina berria!

“Hartu, Eman, Eragin”, Mintzakide egitasmoaren kanpaina berria!

Uda bukatu da eta honekin batera, Mintzakide egitasmoa bueltan datorkigu! Urriaren 22ra arte izena emateko epea zabalik egongo da.

 HARTU, EMAN, ERAGIN.  AURKEZPEN BIDEOA

Mintzakiden parte hartzeko arrazoiak asko dira: jende berria ezagutu, ahaztutako hizkuntza freskatu eta praktikatu, beste batzuei hori guztia lortzen lagundu… Azken finean baina, helburu nagusia euskaraz aritzeko ohiturarik ez dutenak ohitura dutenekin elkartzea da, euskaraz gozatu eta gozatuarazi lagun giro euskalduna sortuz.

Ohi bezala, mintzapraktika egitasmo honetan, edozeinek har dezake parte, berdin dio euskaldun berri, euskaldun zahar, euskaltegiko ikasle ohia edo euskaltegiko ikaslea izan. Astean tartetxo bat baduzu, batu zaitez Mintzakide mundura!

Izena emateko eskuorriak ohiko tokietan topatuko dituzue:

ANTSOAIN: Udaleko Euskara Zerbitzua                                                        ARANGUREN: Ibarreko Euskara Zerbitzua 

ATARRABIA: Karrikaluze Elkartea.                                                                 EGUESIBAR: Sarrigurengo Udala

 BERRIOBEITI: Udaleko Euskara Zerbitzua                                                    BERRIOZAR: Udaleko Euskara Zerbitzua 

BURLATA: Zubiarte Euskaltegia                                                                    UHARTE: Zubiarte euskaltegia.

 ZIZUR NAGUSIA: Udaleko Euskara Zerbitzua                                                                                                              

IRUÑEA: Karrikiri Elkartea, Arturo Campion, Iruñezar eta Irrintzi Euskaltegiak eta Iruñeko Hizkuntza Eskola Ofiziala                                               Hala ere, dagoeneko online bete daiteke matrikula!

“Hartu, Eman, Eragin” – Izen emate fitxa.

Edozein gauzarako zuen esanetara gaude mintzakide1@gmail.com helbidean.

Bitartean Mintzakideko informazioa, agendatxoa etab. jasoko dituzu eta parte-hartzera gonbidatzen zaitugu.

Animatuko zara, ezta? Eman izena!

Ongietorria!

Jantzari dokumentalaren proiekzioa eta solasaldia.

Jantzari dokumentalaren proiekzioa eta solasaldia.

Jantzari. Tradizioa eta parekidetasuna.

2018ko San Migel jaietan dantzaren tradizioa inoiz baino biziago dagoela erakutsi zuten neska eta mutilez osatutako talde bat lehenengoz plazara irtenda. Talde hori izango da dokumentalaren protagonista: Iurretako dantza talde nagusia osatzen duten zortzi neska-mutilak.

Bost urtean behin herriko dantza talde denak Urrixena jaialdian batzen dira Iurretan. Ospakizun horretan lehenengoz parte hartuko dute debutatu berriek (talde parekideak) beste belaunaldi batzuetako dantzariekin batera. Entseguak, egun horretako prestaketak, eta plazan bizi duten emozioa izango da dokumentalaren haria. Tarteka, Iurretako behinolako dantzarien testigantzak, ikerlarien iritziak eta beste hainbat lekukotza jasoko dira.

Jantzari dokumentalaren proiekzioa eta solasaldia.

Apirilaren 27an, 18:30etan Katakraken. (Edukiera mugatua bete arte)

 

Umea izatearekin batera une zoriontsu asko bizi eta, aldi berean, ardura berriak bereganatuko dituzte gurasoek. Onena eman nahi izanen diote, noski, zoriontsu izan dadin eta bizitzan ahalik eta aukera gehien izan dezan. Beraz, hainbat erabaki gurasoen esku daude. Horien artean, besteak beste, haurra zein hizkuntza eredutan eskolatuko duten aukeratzea. Eta hori interesgarria da, halaber, berriki Nafarroara bizitzera iritsi diren pertsonentzat.

Hemen etengabea da etorri berrien mugimendua. Sarritan, herritar horiek beste hizkuntza eta kultura bat dute berezkoa, eta Nafarroan egonagatik ere, garantzitsua da familia-hizkuntza horri eustea. Izan ere, horrela hemen hazten ari den belaunaldiak ez du bere familiaren jatorriarekin lotura galduko: batetik, kultura-erreferenteak jasoko ditu eta, bestetik, beraien herrialdean geratu diren senideekin harremana izaten jarraituko du. Gainera, familia-hizkuntza bereganatzeak oinarri sendoa ematen du gerora beste hizkuntza batzuk ongi ikasteko.

Horrekin batera, beti da garrantzitsua tokiko berezko hizkuntzak ezagutzea, Nafarroan euskara eta gaztelania. Kanpotik etorri eta euskara ikasi duten pertsonek sarritan adierazten dute euskara ikasteak ateak ireki dizkiela, eta Nafarroa hobeto ezagutzen eta aukera gehiago izaten lagundu diela. Hizkuntza bat edozein adinetan ikas daiteke, baina haurtzaroan helduaroan baino errazagoa da. Horretarako, eskola eta D eredua funtsezkoak dira. Kontua da gehitzea, euskara ikasteak ere bere baitan aberastasuna ekarriko baitu.

Normala da jatorri ezberdineko pertsonek euskarazko murgiltze linguistikoaren inguruan hainbat galdera izatea. Horregatik, ERA.eus atarian galdera ohikoenak eta horien erantzunak bildu dira.

Oharra: laranja kolorez jada aktibatuta dauden hizkuntzak. Besteak, datozen ordu eta egunotan.


Euskara Gaztelania Portugesa Frantsesa Ingelesa


Arabiera Bulgariera Errumaniera

Read MoreRead More

D eredua: hainbat hizkuntzatan, gurasoek maiz egindako galderakERA

D eredua: hainbat hizkuntzatan, gurasoek maiz egindako galderakERA

Umea izatearekin batera une zoriontsu asko bizi eta, aldi berean, ardura berriak bereganatuko dituzte gurasoek. Onena eman nahi izanen diote, noski, zoriontsu izan dadin eta bizitzan ahalik eta aukera gehien izan dezan. Beraz, hainbat erabaki gurasoen esku daude. Horien artean, besteak beste, haurra zein hizkuntza eredutan eskolatuko duten aukeratzea. Eta hori interesgarria da, halaber, berriki Nafarroara bizitzera iritsi diren pertsonentzat.

Hemen etengabea da etorri berrien mugimendua. Sarritan, herritar horiek beste hizkuntza eta kultura bat dute berezkoa, eta Nafarroan egonagatik ere, garantzitsua da familia-hizkuntza horri eustea. Izan ere, horrela hemen hazten ari den belaunaldiak ez du bere familiaren jatorriarekin lotura galduko: batetik, kultura-erreferenteak jasoko ditu eta, bestetik, beraien herrialdean geratu diren senideekin harremana izaten jarraituko du. Gainera, familia-hizkuntza bereganatzeak oinarri sendoa ematen du gerora beste hizkuntza batzuk ongi ikasteko.

Horrekin batera, beti da garrantzitsua tokiko berezko hizkuntzak ezagutzea, Nafarroan euskara eta gaztelania. Kanpotik etorri eta euskara ikasi duten pertsonek sarritan adierazten dute euskara ikasteak ateak ireki dizkiela, eta Nafarroa hobeto ezagutzen eta aukera gehiago izaten lagundu diela. Hizkuntza bat edozein adinetan ikas daiteke, baina haurtzaroan helduaroan baino errazagoa da. Horretarako, eskola eta D eredua funtsezkoak dira. Kontua da gehitzea, euskara ikasteak ere bere baitan aberastasuna ekarriko baitu.

Normala da jatorri ezberdineko pertsonek euskarazko murgiltze linguistikoaren inguruan hainbat galdera izatea. Horregatik, ERA.eus atarian galdera ohikoenak eta horien erantzunak bildu dira.

Oharra: laranja kolorez jada aktibatuta dauden hizkuntzak. Besteak, datozen ordu eta egunotan.


Euskara Gaztelania Portugesa Frantsesa Ingelesa


Arabiera Bulgariera Errumaniera

ERA

Nafarroako bertso plaza martxan jarriko du Zapla! egitasmoak

Nafarroako bertso plaza martxan jarriko du Zapla! egitasmoak

https://www.bertsozale.eus/eu/nafarroa/albisteak/nafarroako-bertso-plaza-martxan-jarriko-du-zapla-egitasmoak

Denetariko zazpi saio antolatu ditu Nafarroako Bertsozale Elkarteak, herrialdeko zazpi herritan, apirilaren 23tik maiatzaren 15era bitarte. Txapelketarik ez den honetan, nafar bertsolariei plazak eskaintzea da asmoa, kultura segurua dela erakustearekin batera. Era berean, saio moldeetan berritzeko baliatuko da aukera.

Nafarroako bertso plaza aktibatzeko eta sustatu nahian, Zapla! egitasmoa jarri du martxan Nafarroako Bertsozale Elkarteak. Hain zuzen ere, ondorengo helburuak ditu:

  • Pandemiak bertso plaza ia desagerrarazi duen honetan, eta Nafarroako Bertsolari Txapelketa atzeratuta, nafar bertsolari eta gai-jartzaileei plazak eskaintzea.
  • Kultura, eta bertsolaritza, segurua dela eta erantzukizunez antolatu daitekeela erakustea; eredu ematea.
  • Txapelketak exijitzen duen saio/egitura zurrunetik harago, bestelako saio mota, gai, ariketa moldeekin esperimentatzeko aukera baliatzea.

Zazpi saio, denetarikoak
Bertso zirkuitu bat da Zapla! bere baitan; zehatzago, zazpi bertso saiok osatuko duten ziklo bat. Zazpi herri ezberdinetan eginen dira emanaldi horiek, apirilaren 23tik maiatzaren 15a bitarte; saio bakoitzean bertsolari ezberdinek hartuko dute parte. Ekitaldi bakoitzak, gainera, izaera propioa izanen du, besteengandik ezberdina. Hain justu, gorago aipatu bezala, hori da egitasmoaren helburuetako bat: bertso saioen diseinuan berritu eta esperimentatzea, ohikotik harago egon daitezkeen ariketa, gai eta saio motak proposatuz. Era berean, bertsolaritzaren aniztasuna ere islatu nahi du egitasmoak, kultur adierazpen horren barruan egon daitezkeen saio mota ezberdinak bilduz.

Lizarran, Beran, Irurtzunen, Zizur Nagusian, Antsoainen, Agoitzen eta Arantzan eginen dira zazpi saio horiek, eta bertako udalen laguntza jaso du Nafarroako Bertsozale Elkarteak egitasmoa antolatu ahal izateko. Sarrerak www.bertsosarrerak.eus atarian eskuratu ahalko dira martxoaren 29tik aurrera, 7 eta 8 euro bitarteko prezioan (bertso bazkarikoak 30 eurotan). Hauek dira antolatutako zazpi saioak:

Api 23 @ 18:30 – 19:30
18:30
LIZARRA. Apirilak 23, ostirala, 18:30ean Bertso jaialdia, Los Llanos Kulturgunean. (Sarrerak, laster, hemen). Ekain Alegre Erika Lagoma Julio Soto Oier Lakuntza Sarai Robles Gai-jartzailea: Alaitz Rekondo
Los llanos Kulturgunean, Lizarra
Api 24 @ 18:30 – 19:30
18:30
BERA. Apirilak 24, larunbata, 18:30ean Bertso saioa Bidasoan gora*, Kultur Etxean. Alazne Untxalo Ander Fuentes “Itturri” Ekhiñe Zapiain Xabier Terreros, “Terre” Gai-jartzailea: Maddi Ane Txoperena * Eneko Aizpuruaren ‘Bidasoan gora’ liburuan oinarritua (Elkar, 2020).
Berako Kultur Etxean.
18:30
IRURTZUN. Apirilak 30, ostirala, 18:30ean Zentzumenei bertsotan, Kultur Etxean. Iker Gorosterrazu Irati Majuelo Sustrai Colina Gai-jartzailea: Maialen Belarra
Irurtzungo Kultur Etxean.
maiatza 2 @ 18:30 – 19:30
18:30
ZIZUR NAGUSIA. Maiatzak 2, igandea, 18:30ean Bertso trama, Kultur Etxean. Beñat Astiz Idoia Granizo Miel Mari Elosegi “Luze” Saioa Alkaiza Xabat Illarregi Gai-jartzailea: Ander Aranburu
Zizur Nagusiko Kultur Etxean.
maiatza 8 @ 18:30 – 19:30
18:30
ANTSOAIN. Maiatzak 8, larunbata, 18:30ean Kopla saioa, Antzokian. Ainara Ieregi Endika Legarra Joana Ziganda Josu Sanjurjo Mikel Lasarte Saats Karasatorre Gai-jartzailea: Zigor Gartzia, “Zian”
Antsoaingo Antzokian
maiatza 9 @ 18:30 – 19:30
18:30
AGOITZ. Maiatzak 9, igandea, 18:30ean Bertso jaialdia, Kultur Etxean. Aitor Irastortza Eneko Fernandez Joanes Illarregi Mintxo Astiz Patxi Castillo Gai-jartzailea: Ainhoa Larretxea
Agoitzko kultur etxean
maiatza 15 @ 14:00 – 15:00
14:00
ARANTZA. Maiatzak 15, larunbata, 14:00etan Bertso bazkaria, Aterpean. Eneko Lazkoz Julen Zelaieta
Arantzako Aterpean

 

GOAZEN MENDIRA! APIRILAK 25,MENDIXURRA, IRATXEKO MONASTERIOTIK ABIATUTA.

GOAZEN MENDIRA! APIRILAK 25,MENDIXURRA, IRATXEKO MONASTERIOTIK ABIATUTA.

MENDIXURRA (1.045M).

Jurramendi edo Mendixurra mendi ezaguna da, urrunetik ikus daiteke eta urrunera begiratu daiteke bertatik. Ebro harana, Errioxako mendiak, Moncayo, Pirinioak, inguruko Urbasa-Andia, Lokitz eta haien artean ageri den Beriain, Ioar…

MINTZAKIDE MENDI TALDEA

Goizeko 09:00etan geratzen gara Zezentegiko (Corralillos) behin behineko aparkalekuan, 09:15etan bertatik abiatzen garelarik, gehienetan bazkaltzeko ordurako bueltan egoteko. Eguraldi eragozpenik izanez gero, eguneko ibilbidea alda daiteke, baita antolatzaileek hala erabakitzen badute ere. Bakoitzak jatekoa eramaten du. Autoetan moldatzen gara jende kopuruaren arabera. Gure aholkua, autoetako gastuak bidaiarien artean partekatzea. Puntualak gara. Lasai ez gara galtzen, txango bakoitzak badu bere erantzulea, ibilbidea aurrez aurretik prestatzen duena.
Zortziko Maldiko bertso saioa, apirilaren 14ean. Zaldiko Maldiko elkartea

Zortziko Maldiko bertso saioa, apirilaren 14ean. Zaldiko Maldiko elkartea

🌼Udaberriarekin batera badator Zortziko Maldiko berri bat ere!🌹 Eta adi… Oraingoan ASTEAZKENAREKIN ospatuko dugu ta!

Puntako lau bertsolari kantuan: Ainara Ieregi, Aitor Servier, Amaia Iturriotz eta Xabat Illarregi. 🎤

Apirilak 14, 19tan Katakraken!! (Beti bezala, ateak 18.30tan zabalduko ditugu).

Asteazken iluntzea gurekin pasa nahi?😊 Bertan elkartuko gara!

BIZIPREST GEHIAGO GARA. Dokumentala

BIZIPREST GEHIAGO GARA. Dokumentala

Biziprest gehiago gara. Iñaki Alforjaren dokumentala.

 

BIZIPREST GEHIAGO GARA. IÑAKI ALFORJAREN DOKUMENTALA.

Mezu honen bidez gonbidapena luzatu nahi dizugu “Biziprest; gehiago gara” dokumentalaren estreinaldirako. Euskaraldiaren haritik, eta lau nafarren bizipenak ardatz harturik, Nafarroan euskarak pizten dituen sentimenduen irakurketa bat iradokitzen du.

Adin eta motibazio ezberdinak dituzten pertsonen ahotik eraikitako errelatua da: euskara erlazionatzeko, gozatzeko, eragiteko, bizitzeko era bat da. Bizimodu bat.

Iñaki Alforja Sagonek zuzendu du dokumentala, Euskaltzaleen Topaguneak ekoiztuta eta Nafarroako Gobernuak babesturik.

🗓️ Apirilak 15
🕖 19:00
📍 Golem Baiona

🎞️🍿 Eserlekua gordetzeko: https://www.onlinecinematickets.com/?p=seats&s=GBAIONA&perfCode=67078